SISTEMET E ULTRAFILTRIMIT (UF)

Çfarë është UF?
Sistemet e ultrafiltrimit janë një proces filtrimi me membrane. Ato përdorin pore me diametër 0.01 mikron, që veprojnë si barrierë për bakteriet, viruset dhe mikroorganizmat e tjerë pa përdorur kimikate. Çdo grimcë më e madhe se 0.01 mikron eliminohet, ndërsa turbullira ulet deri në 0.1 NTU.

Krahasimi me Klorinën

Klori është metoda më e zakonshme për eliminimin e ndotjes mikrobiologjike. Megjithatë, ai nuk është 100% efektiv, veçanërisht ndaj mikroorganizmave që formojnë spore, si Cryptosporidia. Këto organizma rezistojnë klorit, por mund të eliminohen me UF.

Për më tepër, përbërësit organikë në ujë mund të reagojnë me klorin dhe të formojnë produkte DPD, që janë toksike. Në ndryshim, UF nuk shton kimikate në ujë dhe nuk prodhon komponime të padëshiruara.

Përdorimet e UF

Modulet UF janë të përshtatshme për:

• Filtrimin e ujit sipërfaqësor

• Parafiltrimin e ujit të detit para se të futet në impiantin RO

• Trajtimin e ujrave të zeza të riciklueshme

Ato mund të zëvendësojnë trajtimin konvencional dhe biologjik të ujit për furnizimin e sistemeve RO.

Sektoret e Përdorimit

Sistemet UF përdoren me sukses në:

• Trajtimin e ujit të detit

• Industrinë ushqimore dhe të pijeve

• Fabrikat e prodhimit të ujit mineral

• Projekte speciale që kërkojnë dezinfektim indirekt të ujit

Ato gjithashtu janë një pjesë thelbësore në sistemet speciale për trajtimin dhe riciklimin e ujrave të zeza, veçanërisht në proceset me origjinë nga MBR.